X
تبلیغات
رایتل

 

 

  بیر شعر، بیر شاعیر 

  ابراهیم ساوالان

 

بیر شعر، بیر شاعیر

ابراهیم ساوالان

  

منه یئریکله ینده نه یئدین آنا؟

آلچا؟

آلما؟

تندیرده قیزارمیش املیک اتی؟

آلچا یئسیدین تورشا چالاردیم

آلما یئسیدین شیرین اولاردیم

املیک یئمیش اولسایدین سنله قالاردیم

     

          ***

منه یئریکله ینده نه یئدین آنا

منده دؤرد ایز بوراخمیش او قوتسال یئمک

قارشی دوردوم حاقسیزلیغا

ورولدوم تورپاغا

آتیلدیم دوغما کندیمدن قیراغا

و سورگون یاشادیم ننه

بوتون شهرلر دوغمالاشدی منه

        ***

منه یئریکله ینده

آنام حووا

یئمیشدی بوغدا...