ایکی شعر: پرادیپ اوماشانکار

  فارسجایا: محمود کیانوش

  تورکجه یه: ناصر مرقاتی   




ایکی شعر: پرادیب اوماشانکار

 

فارسجایا: محمود کیانوش

تورکجه یه: ناصر مرقاتی

 

 

·         قورتولوش

 

 

داغیناق باغیرتی‌لاردا یوواسالماز قورتولوش

کوسومسوینلره  سؤیله بیر قول- بوتاق یاپسینلار

گونشه‌دک دیکـَلمیش

یئر اوزونه سریلمیش

 

گئجه گتیرنده ائویمه منیم، یالقیزلیق- قورخو

گونش تازا دوغوب سنین ائوینده؛

و سنین کؤلگن غنیمین دئییل داها ،

مهربان سفرداشین دیر.

 

بلکه‌ده قورتولوش، اؤز سورگونلویونده،

نئچه آن اوتورسون کؤکسوز باغیرتیلاریوین بوداغلاریندا

آنجاق اونوتما‌ کی، هله‌ده گئجه، منیم ائویمده یاشاماقدا دیر.

گونش‌سه قالمییاجاق سنین ائوینده.

 

 

·         قیتلیق دره‌سی

 

 

قیزیل بیر خال آلنیندا،

قیزیل بیر آلما آلمالیغیندا (1)

قیزیل بیر گول دوداغیندا

چای تارلاسیندان گلیر.

 

افعی‌نین تام یوموشاقلیغی

اینینین بوداقلاریندا

یئنی ویدالاردان

اسگی آیه‌لر قوشور.

 

گؤزلریندن گونشه ‌دک

اولدوزلار شئح مینجیغی اولور

و ساچلاریندان یاغیشا دک

مئشه یارپاغا بورونور.

 

قوینون آچاندا

آجلیغی شهوت خلسه‌سی توتور

و اؤلوم

کوما دئشییندن

سئوگی یالین‌لیغینا گیزلیجه باخیر.

 

بیر درین قیریش آلنیندا،

بیر قورو بوشلوق آلمالیغیندا

و چوروک بیر اینیلتی آغزیندا

قیتلیق دره‌سینه دوشور.

 

 

________________________________-

(1)  رَحیم یئرینه آلمالیق قویموشام