X
تبلیغات
رایتل

  




  قادا گئچیسی

  ناصر مرقاتی




ناصر مرقاتی 


  • قادا گئچیسی

 

"بورادا

کیمسه وارمی تانیسین منی" (1)

یـ ...وخ

هئچ بیر تانری آناغی دئییلم

بئله

آداملاردا تانیماز منی  تانریلاردا

تکی سیخ اورمانیمدا

اؤز گونلریمی سومسونورم

و یورغون بیر پالیدین سرین یالقیزلیغینا سیغینیرام هردن

گونوزلرین لاللیغی

                   ساغیر گئجه لرینی گودور

و گئجه لر

         سولوب سوزارمیش گئچمیشلره دؤنور

من  

         مین لعنته دادانمیش

مین تؤهمته بویانمیش          

و مین بوزقیرا بوراخیلمیش               

قاراسوچلولارین قادا گئچیسی یم

دیندیرمه منی

         باخ هانسی ساغینجین کؤلگه سینده (2)

         گـزی گزدیردیم گونلریمی

 

1/ 5/ 2013 - برلین

ـــــــــــــــــــــــــــــــــــــــــــــــــــ

(1)- ایشاره دیر لیر شاهین سؤزلرینه

(2)- ساغینج: 1) یاغیشین یاغماسی 2) اینام، اینانج