X
تبلیغات
رایتل

  

  بیر قورد کیمی

  ناصر مرقاتی 





«بو قاراوَللی ده میللی اویونجاق قاروَللی¬سی کیمی سککیز ایل اؤنجه یازیلیب.»



ناصر مرقاتی


بیر قورد کیمی



ــ  قاداسی قورد کیمی اولا! اووو...  عمییه بیر قورد کیمی اولا! عمییه بارماقلارینلا قوردو گؤستر!! اده سنه دئمیرم اولا !!!

ــ  یوخ، من "ماروژنی" ایستیرم .

ـ اده سنه دئییرم اولا، اولادا!

- او ... او ...


یادیمدا بابک قالاسینین یولون دومان باساندا او پاییز گئجه‌سی، من ادیالا بوروندوم واوزاقلاردا قوردلار باخ بئله ذیل اولادیلار و چوبان ایتلری آجیقلاندیلار اوستلرینه. بیریسی گون:

- "گؤرورسنکی! بیزیم هرنه‌دن خبریمیز وار! مثلا سن دونن بابک قالاسیندایدین. اوزاقدان سنه مواظیب‌ایدیک. بیر منه باخ! بیزیم سنین سو ایچمه‌ییندن‌ده خبریمیز وار! بیزیم سننن هئچ شوخلوغوموز یوخدو!" 

اوندایدی کی منیم یادیما، بالتا، بوز، بیز، قوردون دیشلری، سینیق شیشه گوموش رنگی و کیمسه اؤز شعرینده ایشله‌دن "جیغ بنفش" دوشدو .

اؤلکه دیشینا گلندن سورا، بیر زامان، قولاغلاریما اینانمیردیم؛ باخین گؤرون سیز بونا اینانیرسیز یا یوخ؟ ساغ الیزین‌ ایشاره بارماغینی یعنی ایکینجیسین و بیرده آخیرینجی بارماغینی (جولو بارماق) هاوادا ساخلایین، سورا اوچ قالان بارماقلاریزی بیری ـ بیرینه یاپیشدیرین. بئله‌لیکله بیر قورد سمبولو دوزلدین. آخیردا دا، بیر قورد کیمی اولویا ـ اولویا بیر مجلیسه گیرین و بو سایاق آذربایجانی قورویون! البته قوروماغین، سؤیله دیییم ایلک آددیمین آتاندان سورا، ایکینجی آددیمیندا، یاخشی‌دیر کی هیتلرین (بیر با ...لاجا دَیشیلمیش) سؤزلریندن سیتاد گتیره‌سیز. مثلا مجلیسیزین قاپیسیندا، یازا بیلرسیز کی، بو مجلیسه روس‌لا ایتین و یا فارسلا ایتین گیرمه‌سی قاداغاندیر. بو باره‌ده یاخشی بودور کی، بیر شاعیردن یاردیم آلاسیز. شاعر بئله بیر شعری سیزین اوچون یازا بیلر:


قورد اوغـلویام هر بیر یئرده اولارام

        فارس‌لا ایتی مجلیسیمه  قویمارام  

 

بونو بیربؤیوک پیلاکاردا یازین و قاپینین قاباغینا وورون. دوغورداندا بؤیوک بیر مؤعجوزه اولاجاق، یعنی: بوتون روسلار و فارسلار درجا اؤلوب و آذربایجان قوروناجاق. باخ بولار آیت الکرسی دئییل، یوزده ـ یوز تاثیراتلی سؤزلردی. رحمتلیک هیتلر بوندان بؤیوک بیر نتیجه آلمیشدیر یعنی، اونون سویله‌دییی "یهودی ایله ایت بورا گیره بیلمز!" سؤزونون تاثیراتی آلتیندا آلتی میلیون یهودی درجا اؤلوب و نژاد آریایی آرینمیش و قورونموشدو. رحمتلیک هله بو باره‌ده تکجه آلمانا یوخ، نژادِ برتر آریایی‌یه ایرانا دا یاردیم ائدیردی. یعنی صادیق هـدایتین، "حاجی آقا" کتابیندا یازدیغینا گؤره، نژادِ برتر ایرانییه طییاره ایله "چو ایران نباشد تن من مباد" اعلامییه‌سی تؤکوردو، رحمتلییین بؤیله بؤیوک تاثیراتی آلتیندا چوخو ایکیجه یوز ایل بوندان قاباق یاشایان "فردوسی طوسی" رحمتلیکده، مین ایل بوندان قاباق، بالتانی دیبدن ووروب و یازدی کی: "هنر نزد ایرانیان است و بَس". و بئله لیکله (آدام یاندیرما کوره‌‌لری) تیکیلدی. 

-------------------------

 ـ ماروژنی روس سؤزو : بستنی