.

.

 

 

   ماغارادان چیخمییانلارین حئکایه سی 

   ناصر مرقاتی

  

   

 

 

ناصر مرقاتی
 
  • مـاغارادان چیخمییانلارین حکایه سی

بئله سؤیلـمیش اردَملی ارنلر :

دقیانوس زمانیندا بیر پارا اینسانلار اللرینی گؤیلره قالدیریب: "ای اولو تانری! بیزه ائله بیر دیل، ائله بیر سس  و  ائله بیر نـفـس عطا ائله، کی قوشلار اوچماقدان چایلار آخماقدان و ایلدیریملار شاخماقدان دایانسین . سؤزوموزله چیچکلر آچسین  گونشلر ساچسین و سورمه گؤزلو جئیرانلار قاچسین" دئدیلر. سونرا بیر قارانلیق ماغاردا باش آتیب بئش یوز ایل یاتدیلار، اؤیله کیم 21 اینجی یوز ایللییه یاخین بیر نئچه آللاه بنده سی اونلاری آییتدیلار. اونلار کاروانی گئتمیش و تونقالی سؤنموش گؤردولر. ماغارانین دئشیییندن باخدیقدا ، دوه و آت یئرینه  «چالینجر» لر و«واستوک»لاری گلیب ـ گئتمه ده و اللرینده کی اسکی سایقاج یئرینه بیر آندا میلیونلار رقمی محاسبه ائدن کامپیوترلر گؤردولر. اونلار یار دئییب آیا باخاندا « اسپوتنیک» لر و شمعه باخاندا مینلر وات ایشیق ساچان نورافکن لر گؤردولر.

ــ یارب ، بو یاریمازلیق هاردان گلدی؟

و سونرا بو « اصحاب رقیم » بئله قراره گلدیلر کی، هئچده اؤز ماغارالاریندان ائشییه چیخماسینلار. و قلم آلیب بئله یازدیلار :

"اهل کهفین مسلکینده اؤلدو واردی دؤندو یوخ !"

                                      1376/ یای  تبریز