X
تبلیغات
کالج کارآفرینی تیوان

 

 

 

 

   دنیز پریسی و کئف‌لی‌لر افسانه‌سی 

   پابلو نئرودا 

   اینگلیسجه‌دن ترجمه: تقی تبریزلی

 

 

پابلو نئرودا

 اینگلیسجه‌دن ترجمه: تقی تبریزلی 

 

  • دنیز پری‌سی و کئف‌لی‌لر افسانه‌سی   

 

هالای‌لار هامی‌سی اوردایدی‌لار او سوزنده ایچه‌ری

چیم‌چیپلاق.

هالای‌لار سرخوش‌ایدی‌لار و اونا توپورمه‌یه باش‌لادی‌لار،

چای‌دان همه‌ن چیخ‌میش، او هئچ‌نه دوی‌مادی.

آخی او یولونو ایتیرمیش بیر دنیز پری‌سی‌ایدی

توپورجه‌ک‌لر اونون ایشیلدایان دریسی اوستونه یاغدی،

سؤووش‌لر اونون آلتین دؤشلرینی بورودو.

گؤز یاشی‌نا یاد، او آغ‌لامادی،   

گئییمه یاد، او گئیین‌مه‌دی.

جانی‌نا سیگارئت اودوینان کؤز باس‌دی‌لار

و قاققا چکیب مئی‌خانانین ترکین‌ده ا‌وَه‌ده‌دی‌لر

دانیش‌مادی، اونا دانیش‌ماق معناسیز ایدی

گؤزلری اوزاق سئودالارین رنگی

قول‌لاری کهربا بوْیالی

چؤهرایی دوداق‌لاری ساکیت‌جه اسیردی

و نهایت او قاییت‌دی همه‌ن قاپی‌دان

چتین‌لیک‌له چایا جوم‌دو و یویون‌دو

بیرداها یاغیش آلتین‌دا بیر جواهیر کیمی ایشیل‌دادی

و گئری‌یه باخ‌مادان، بیرداها چیم‌دی

بوش‌لوغا ساری اوزدو، دان یئری‌نین سؤکول‌مه‌سی‌نه ساری.