X
تبلیغات
رایتل

 

 

 

 

  حسن اومود اوغلویا 

  گونای تبریزی

 

گونای تبریزی

  • حسن اومود اوغلویا...  

 

سو بولانیب،

بالیق لار آراسیندا چوو دوشوب

بو بولانیق سو دا،

قاراجیق بیر بالیغین یوخلوغونو کیم حیس ائده ر؟...

اووجو، آدام کیمی

تورون سه ریب،

بؤیوک – کیچیک

یاش یا قورو

قارا – قیرمیز،

هاردان گلدی

بالیق توتمور، اوو – اوولامیر

اونو آختاریر، اونو توتور

قاراجیغی... 

 

***

ایندی هانسی قارانلیق حجره ده، تک آداملیق دوستاق دا، آددیم لارین ساییر، بلکی اؤز – اؤزونه دانیشیر، یا دوواردا یئری ین قاریشقایلا، بو دانیشیر، او دینله ییر، قاریشقا گئدیر یوواسینا، سونرا چیخیر:

- سیس...، بیر آز دینله ن، ساغ – سلامت گئتمه لی سن.

- ساغ – سلامت؟، بو سؤزده "آمپلی فیکاسییا"(1) وار، اساسا″ سؤزو گوجلندیرمک....

قاریشقا باشین توولاییر و یوواسینا گئدیر.

او یئنه ده آددیم لارین ساییر، یئنه ده دانیشیر، بو ساغیر اتاق دا، قاریشقالارا، دووارا تیکیلمیش قولاق لارا، دیرناق سیزلارا، یاتان لارا...

بیزسه نه لر دوشونوردوک، ائل اوچون، ائلین بیلیجی لری اوچون، اونون اوچون. آنجاق کیمسه اولاجاغی یئرده دئییل دی، کیمسه دایانمادی، کیمسه بیزی آنلامادی. آرزی لاردان تیکدی ییمیز بینالار باشیمیزا اوچدو، "ییخیلمیش تاوان دان توز دا قالخمادی"(2). 

 

***

"هله ده گئجه دیر، هله قارانلیق،

هله اوفوق لرده سؤکولمه ییب دان

هله چیسگینلیکدیر، هله بورانلیق

هله گؤز آچمامیش داغلار یوخودان"(3).

...

تبریز

31/4/88

 

 

ایضاحلار

Amplifikasia-1

2- حسن اومود اوغلو – گئدیرسن شعری

3- سهند – قورتاریش شعری