.

.

 

 

  قارتال 

  داود اهری

 

  • قارتال
  • داود اهری

         چوخداندیر چکیلیب دومان

...

بیر قارتال قانادلارین آچیب، سس سیزجه اوزور، سوزور سمادا. گاه ائنیرگاه اوجالیر.

قورخو، قورخو یاغیر  سیلدیریم ‌قایالارا اوجا-اوجا داغلارا، یاماجلارا، گئن- گئن دره‌لره. قورخو چای اولور آخیر گئدیر یاخین‌لارا  اوزاقلارا...

...

قالادان باخیردیم قارتالا !

·        

آخشام چاغی قه‌فه‌ده بابک آدلی بالاجا-قاراجا  اوغلان چاینیک‌دن چای سوزور دئییر:

         - افشین افندی بویورون، چای، قارتال نشان!

         من سویوق چاییمی ایچیرم. سن‌ده، او دا. من قورخورام، سن قورخورسان، او  دا قورخور. سونرا هر کس قورخا-قورخا یالنیز گئدیر ائوینه!

گئجه قارانلیقدا شه‌هه‌ری گئت به گئت آغ دومان بورویور. اوزاقلاردان بیر  یالقیز قورد اولاییر. شه‌هه‌ر کؤکوندن تیتره‌ییب اوشویور!

·        

 سحر هر یئرده آغیر –آغ قار گؤرونور. شه‌هه‌رین سماسیندا  سس‌سیزجه  بیر قارتال  سوزور. آغیر کؤلگه‌سی  شه‌هه‌رین  هر بیر یئرینی گزیر. آتوشگه‌لردن

قورخاق انسانلارین گؤزلری اونو ایزله‌ییر. داها  کیمسه  چیخماییر دیشارا ! هامی اوشویور، اوشویور. بئله بیر شه‌هه‌ر  اوشویورسه‌ده  درین-درین دوشونور...