.

.

 

 

  سوموکلریمده شینقیلین­قوز اویناییرلار 

  رامین جهانگیر زاده

  • سوموکلریمده شینقیلین­قوز اویناییرلار
  • رامین جهانگیرزاده

بوتون قهرمانلار

بوتون فیلوسوفلار

بوتون شاعیرلر

بوتون آداملار

بئینیمه ییغیشیبلار

سوفره سالیبلار اؤزلری اوچون

یئییب ایچیرلر

ایسته­دیکلری یئری بولاییرلار

ایسته­دیکلری ایشلری گؤرورلر

تکی من یوخام

بیر درییم

بیر سوموک

دریمه سامان تپیب

هر نه ائدیرلر

سوموکلریمده شینقیلینقوز اویناییرلار

بیر آن منی راحات بوراخسالار

کندیمیزین باش باغچاسیندا

ائله راحات دولانارام کی

هئچ یادیما دا دوشمزلر

نه اونلارین ایت بوغوشدورمالارینی گؤره­رم

نه دونیانی قاتیب - قاریشدیرمالارینی

تکی اینسانلیق پایی دوشسه­یدی پاییما

پاپاغیمی گؤیه آتاردیم

نه قهرامانلیغا گوونردیم

نه فیلوسوفلوعا

نه شاعیرلیییمه

نه­ده­ کی باشقا شئی - شویلره