X
تبلیغات
رایتل

 

 

  بیر شاعیر ایکی شعر 

  علیرضا صرافی دن ایکی شعر

 

بیر شاعر ایکی شعر  

علیرضا صرّافی دن ایکی شعر 
 


                                                                         ناصر مرقاتی



سون ائندی گونش قیزارمیش پوزغون سفره سی تالانمیش ائندی گونش اوزه رینه بیر بوز بولودون قویروغرو لکه یاخمیش و بیر آزدان ... اوجا قوببه دن آسیلان توتغون توزلو پرده لر لای ـ لای آچیلیب اؤرتدو اخشامین اوستون بیتدی بو گونون تئاتری آراز خرداد 65



•  
هاوالار سویوق سولار بولانلیق افقـلر دار یوللار یولداشسیز ... دوشونورم یوردومون اوجاغی می دیر سؤنن یوخسا اورگده کی آلوووم ؟ سیز دئیین ای منی ایزله مگه دوزولن سیم قوشلاری من نه یی ایتیرمیشم ؟ سیز دئیین ای دیلسیز ایتگینلر سیز دئیین ای ایتگین دیلسیزلر بو یاش تورپاقلاردا بو قارپیز قوخولو سرین شئح لی هاوادا بو یول بویون بوروین سیس دوماندا من نه یی ایتیرمیشم ؟ آراز اسفند آیی  

دَمیرله، سیمیتله مشغول اولان مهندس علیرضا صرافی، نه زامان حیاتین آغیر مشغله لریندن باش آچارسا ادبی چالیشمالار و هابئله یازماغا یؤنه لر. اونون تدقیقی ـ ادبی یازماسین بیلیردیم ، ساهیرین شعرلرینین دیکلـَمه ائتمه سینده ائشیتمیشدیم، موسیقیمیزین یاییلماسینا عایید قوللارینی چیرمالاماسیندا گؤرموشدوم، باشقالارینین یازیلارینی سهمانلیییب یایینلاماغیندا مالی و فکری یاردیملاریننان دا یاخشیجا خبریم وار ایدی، آما هئچ بیلمیردیم کی علیرضا صرّافی شعرده یازیر. اؤزو دئییر: منیم بو بئش آلتی شعردن آرتیق بیر شعریم یوخدور. بیلمیرم، بلکه ده بو بیر شوخلوق اولسون، آنجاق هر نه دیرسه، منیم الیمده اولان شعرلری بیر نئچه شعردن آرتیق دئییل. علیرضانین شعرلری بیر تابلویا اوخشاییر. دوغروسو شعرلرینده تکجه بیر شاعرین قلمی یوخ بلکه بیر رسّـامین توفانلی فیرچاسی دا درین ایز سالیب: ذیل سورمئیی گئجه نین آلتیندا یاتان جانسیز بوز ـ قارا داشلارا بو نه قاندیر آ آ آ...ی!؟ بو نه قاندی داشلانیب؟ گؤروندویو کیمی؛ علیرضانین کلمه لری آراز کیمی آخارلی و قدرتله اونون دویغولارینا حیات باغیشلییان دیلار. دیلی ایسه، یئنی بیر دیلدیر بو اونون ایناندیغیننان تؤره نیر. اونون یاراتدیغی ایماژلار اوقدر دیری و جانلی دیلار کی، اوخوجو قارپیز قوخولو یوللاردا گئدیر و سُفره سی تالانمیش گونشین جانسیز ایستی سینی دریسی اوستونده حیس ائدیر. آرزیلیریق علیرضا قازاماتدان قورتاریب و بیزه یئنه و آرتیق شعر و مقاله گؤندرسین